طريقة عمل التشيز كيك بالمربى

السلام عليكم ورحمة الله وبركاته
يشرفنى ان اقدم لكم طريقة عمل التشيز كيك بالمربى بأسهل وأسرع طريقة وألذ طعم وبدون تكاليف فى نفس الوقت
طبعا كتير منا وانا ايضا يعرف ان التشيز كيك بتصنع بالجبنة الكيري وده طبعا مكلف للغاية لأنك بتستخدمى علبتين عند عملها لكن أنا والحمد لله اكتشفت طريقة موفره وطعمها يمكن احلى من الكيرى وهتجربوها وتدعولى متأسفة للاطاله ولكن حبيت اعرف كل اخواتى فى الله ايه اللى عملته

أولا: المقادير
2 علبة جبنة بريزيدن او جبنة لا فاش كيري - 16 قطعة
3 بيضات متوسطين
باكيت فانيليا
3 ملاعق كبيرة سكراو 4 ملاعق حسب رغبتك
كوب واحد زبادى
ملعقة لبن كبيره واحدة ويمكن الاستغناء عنها
2 باكو بسكويت مارى كبير او 3 باكو صغير
زبده او سمنة سايحة لعجن وفرد البسكويت
مربى لدهن الوش

واليكم الطريقة :
أولا نكسر البسكويت باليد على قد ما نقدروبعد كده نضعة حبة بحبة فى المطحنة بتاعة الخلاط حتى يصير مفروم وناعم مثل البودرة حتى ننتهى من كمية البسكويت كلها ونضعه مفروم فى طبق ونتركه
نضع قطع الجبنة مع الزبادى والفانيليا والبيض والسكر وملعقة اللبن فى الخلاط معا ونضربهم حتى يصير سائل سميك وقتها نشغل الفرن على درجة حرارة منخفضة فقط لتسخينة واستعداده ونرجع للبسكويت ونضعة فى صينية صغيرة الحجم وناخد ملعقة زبدة(تكون سايحة الى حد ما ومش متجمدة) نضعها على البسكويت ونقلب وناخد ملعقة تانية ونقلب تانى وهكذا حتى يصبح الخليط متجانس وسهل الفرد فى الصينية ونفرده ونساويه بالمعلقة ونضيف بعد كدة الخليط السابق فوقه وندخله الفرن العادى مش الشواية حتى تصفر جوانب الصينية فقط بعدها نشغل الشوايه لمدة دقيقة واحده فقط مع تدويرها حتى لا تحترق ونخرجها من الفرن وحين تبرد نضعها داخل الثلاجة حتى تتماسك لمدة من نصف ساعة الى ساعة ونخرجها وندهن الوش بالمربى جيدا ثم تقطع مربعات او مثلثات حسب رغبتك انتى

وبألف هنا وشفا وهتعجبكم جدا انشاء الله ولا تنسونى بالدعاء عن ظهر الغيب
وشكرا للمنتدى والمسئول عنه جزيل الشكر

انا عايز اقول انى جربتها........وطلعت روعة

انا جبت كل المكونات وانشاء الله هعملها واكيد هتبقي جميله زي كل الوصفات بتاعتك ربنا يسعد قلبك ......وسام