التحمير بطريقة وخلطة كنتاكى

السلام عليكم ورحمة الله وبركاته
طبعا انا حقيقة كنت فاكره ان خلطة كنتاكى مستحيلة لكن اكتشفت انها اسهل واطعم ما يمكن وبدون تكاليف ورائعه وعن تجربه والله

اذا كنتى بتاكلى وراك وصدور يبقى تقطعى الورك على قطعتين والصدر على قطعتين او 3 قطع اذا كان كبير وعلى كل كيلو فراخ 2 بيضة تكسريها مع نصف كوب لبن
طبعا عارفين الفيجيتار ب 75 قرش الكيس يعنى مش غالى اشترى 5 اكياس واذا بتحبيها حاره هاتى 3 حار و2 عادى واذا بتحبيها حارة جدا هاتى 5 حار يعنى زى ما تحبى
بعد ما تسلقى الفراخ طبعا طلعيها فى طبق تبرد شويه
تكونى مكسره البيض مع اللبن فى طبق عميق والفيجيتار كله فى طبق عميق تانى
تاخدى قطعة الفراخ وتحطيها فى اللبن والبيض الاول كويس ثم فى الفيجيتاروهكذا وبعد ان تنتهى من كل الكميه حطيه فى الثلاجة نص ساعه بس
طلعيه وعيدى من الاول تانى كل قطعة حطيها فى اللبن والبيض ثم الفيجيتار هتلاحظى ان القطعه اصبحت كبيره حتى ان تنتهى
حمريها فى طاسة عميقه عشان يكون الزيت كتير والنار تكون متوسطة وتقلبى علطول حتى يصبح لونها ذهبى وجميل ومقرمش
حمرى جنبها بطاطس وكاتشب وبالصحة والهنا هتعجبكم جدا وهتدعولى
وشكرا
أختكم فى الله

الله.........فتحتى نفسى على الاكل و بصراحة وجبة جميلة جدا و وصفة سهلة